FUNES

FUNES

olim e viminibus, nondum cognito cannabis usu. Lycophron Cassandrâ,

Σφραγὶς μένει Θόαντος εν πλευραῖς ἔτι,

Λύγοιςι τετρανθεῖςα.

Vibix manet Thoantis in tergis adhuc

Lentis betulis sculpta.

Calpurn. Ecl. 2.

Quod si dura times etiam nunc verbera Phyllis,

Tradimus ecce manus, licet illae vimine torto

Scilicet et lenta post tergum vitae domentur.

Vide qnoqueve Theoctit. Idyll. 1. etc. In Aegypto funus ex interiore cortice sive libro papyri nectebantur, nec Aegypti Siriaequeve Reges aliis funibus diu usi sunt, in rebus na valibus, nondum sparto communicato, quae proin armamenta Nili Plin. vocat l. 13. c. 11. Postea itaqueve e cannabe et sparto fieri coepêrunt, de quibus vide suo loco, it. in vove Serilia. Imo et e serico, ut ex Candischii Nobilis Angli historia patet, qui ex America redux omnes navis suae rudentes e serico albo habuisse legitur. Sed et Funes, e mulierum capillis, apud Iul. Capitolin. in Maximino Iun. ubi tantâ fide Aquileienses contra Maximinum fuêrunt, ut funes de mulierum capillis facerent, quum deessent nervi ad sagittas emittendas, quod aliquando Romae dicitur factum: habes hanc historiam apud Veget. l. 3. c. 9. et l. 10. c. 15. in Com. Stewech. p. 406. Flor. l. 2. c. 15. Lactant. l. 1. et Serv. ad Aen. l. 1. v. 323. Idem vero et alias saepe usu venit in bellis. Caes. Belli Civ. l. 3. c. 2. de iis, qui obsessi erant Salonis: praesectis omnium mulierum crinibus tormenta effecêrunt. Aristid. in Rhodaica, Πάλαι μὲν τὰ ἐκ τῶ γυναικῶν τῶ ἀποκειραμένων μηχανήματα ἐδείκνυτε τοῖς ἐπιδημοῦςι. Olim quidem ex tonsis mulierum capillis machinamenta ostendisse advenis. Etiam Dio narrat in Seu. in obsessa Byzantio rudentes de crinibus feminarum factos esse, Casaub. ad Capitol. Olim tota res mensoria funibus e iunco plexis, quae proin χονία Graecis, peragebatur. Nec Hero Geodaetes aliud agnoscit mensurandis terris organum, quam χοινίον h. e. funiculum, eumqueve δεκαοργυιαῖον quidem constituit metiendae terrae arabili, pratorum vero mensurae colligendae, δωδεκαοργυιαῖον. Antiquiores tamen, qui de limitibus scripsêrunt, pedum tanrum meminisse, dein sunes tandem perticas adhibitas, monet Salmas. qui pluribus hac de re agit, ad Solin. p. 683. et seqq. Vide quoqueve infra Schoenus. Olympiae emittendi currus et equi lineâ praetentâ seu funiculo cohibebantur, ne ante signum datum exirent, utqueve in aequo limite continerentur omnes, teste Paus. cuius loco carceres fuisse in Cicco Romano, discimus ex Varrone, qua de re videndus idem Salmas. ubi modo, p. 915. Porro fune Bacchus pontem iunxit, Euphratem transiturus, ex vitigineis, et hederaceis contorto farmentis, quem, in urbe eius loci Zeugma, asservatum, Paus. habet in Phocicis. Indi vero Anthropophagi. funibus quibusdam, nodis multis diversissimis certo intervallo dispositis, historiarum suarum perpetuitati consulunt, quo de illorum more legi meretur Petrus Cieza Hist. Ind. Tom. 2. Etiam funem e manibus extorquere, certaminis genus, apud Danos olim celebre, uti videre est apud Olaum l. 5. c. 24. Sed et sunes inter Vett. tormenta, uti videre est supra de Fidiculis et infra in voce Paena: exercitationes item infra in voce Gymnastica, nec non ubi de Funambulis, e funibus quoqueve antiquitus constitisse Castrorum urbiumqueve repagula, dicemus infra in voce Licia etc. De funiculo μεμίλτωμένῳ, rubricato, quo in contionem compellebantur Athenienses, diximus supra, ubi de Comitiis: sicut de funium usu, investituris, infra in lampadibus, in voce Funalia, Hinc Funarius, cognomen militare Gratiani Imp. quod ei adhuc privato funem venalitium portanti, quinqueve milites extorquere nequivissent, unde admiratio primum, postmodum argumentum Imperii, apud Paul. Diacon. et Aurel. Vict.